Chega á súa fin o proxecto de cooperación transfronteriza LIDERA, cofinanciado polo Programa Interreg POCTEP cun encontro de mozos e mozas emprendedoras.

Esta fin de semana terá lugar a Mostra e Encontro da Xuventude Emprendedora (MEXE), enmarcado no proxecto LIDERA, onde a mocidade terá a oportunidade de dialogar e debater sobre o emprendemento no eido da cooperación transfronteiriza. Por parte da Cámara de Santiago interverá un dos mozos emprendedores que traballaron no proxecto, Carlos Gil, CEO de Yepso.

PROXECTO LIDERA

Aprobado ao amparo do programa Interreg V-A España-Portugal 2014-2020 (POCTEP), este proxecto ten como obxectivo promover o desenvolvemento económico transfronteirizo a través das capacidades laborais e de emprendemento dos mozos e mozas do  territorio. Conta cun orzamento de 1.428.692, 93 euros cunha financiación dun 75 % de fondos Feder e unha duración de catro anos, proroogado ata o 30 de xuño de 2021.

Son socios do proxecto: a Dirección Xeral de Xuventude, Participación e Voluntariado, a Fundación Galicia Europa, a Cámara Oficial de Comercio, Industria, Servicios e Navegación de Santiago de Compostela, o Instituto Português do Desporto e da Juventude (IPDJ), a Federación Nacional de Asociaciones Juveniles Portuguesas (FNAJ) e a Comunidade Intermunicipal do Ave.