Do 26 ao 29 de abril estase a celebrar en Colonia a Feira Anuga FoodTec, feira comercial líder a nivel mundial fonte do impulso máis importante para a industria internacional de alimentos e bebidas. Trátase da única feira de proveedores do mundo polo que cubre todos os aspectos da producción de alimentos.

A Cámara de Comercio de Santiago organizou a participación de empresas galegas nesta Feira dentro do Plan Foexga que cofinancia o IGAPE con fondos FEDER. Participan 3 empresas expositoras e 5 máis como visitantes. Esta visita coordinase co Clúster Alimentario de Galicia, agrupación industrial de alimentación da nosa Comunidade.

As primeiras impresións son moi positivas xa que o nivel tecnolóxico alcanzado polas empresas galegas deste sector, é capaz de competir perfectamente coas europeas máis punteiras.

Entre as empresas expositoras atópanse:

Cofrico que presenta en Anuga 2022 GRADHOC, o seu software intelixente de eficiencia enerxética e mantemento en refrixeración smart_ refrigeration_ cooler_ future.

Norlean presenta en AnugaFoodtec o seu Xemelgo Dixital de Organización para a optimización da produción nos sectores do embotellado e conservas e a mellora na toma de decisión.

E a empresa Nigal presenta no Anuga Foodtec o proxecto de Libatio, un tapón intelixente de monitorización en tempo real e análise de barricas de madeira para o sector do viño e bebidas alcohólicas.