O I Encontro de Organizacións e Entidades Empresariais de Galicia, denominado SINERXIAS 2023, tivo lugar durante a mañá de onte en Vigo. A el asistiron ata 24 organizacións empresariais con representación en Galicia e serviu tanto para identificar retos e ameazas comúns como para potenciar sinerxias entre as diferentes entidades.

O programa do encontro incluíu diferentes mesas de debate nas que se abordaron temas de especial importancia para o entorno empresarial galego.

A Cámara de Comercio de Santiago, a través da súa presidenta María Pais Fajín, participou na cuarta mesa de debate. No coloquio tamén participaron Jaime Luís López Vázquez, presidente da Cámara de Comercio, Industria, Servizos e Navegación de Lugo; Antón Fonseca Fernández, presidente da Cámara Oficial de Comercio, Industria, Servizos e Navegación de Tui e José García Costas, presidente da Cámara de Comercio, Industria, Servizos e Navegación de Pontevedra, Vigo y Villagarcía quen ademais foi o moderador do debate.