Durante este mes de outubro realizaremos diferentes actividades de fomento do espírito emprendedor no eido educativo con centros formativos da cidade de Compostela, ditas xornadas están organizadas entre a Cámara de Comercio e o Concello de Santiago. Trátase dun programa de actividades consistente en visitas guiadas ao viveiro de empresas e a realización de xornadas divulgativas, especialmente dirixido aos centros de ensino secundario, bacharelato e ciclos formativos.

No día de hoxe visitamos o Colexio La Salle de Santiago de Compostela, durante a xornada participaron unha trintena de rapaces que están a cursar 2º de bacharelato.

O obxectivo destas actividades é o de fomentar as iniciativas emprendedoras dende o ámbito educativo, promover o desenvolvemento das calidades persoais relacionadas co espírito emprendedor, tales como a creatividade, a iniciativa, a asunción de riscos e a responsabilidade. En definitiva, tratar de fomentar os valores empresariais e informar, sensibilizar e transmitir a opción do autoemprego como unha alternativa digna e viable.