Co obxectivo de acercar o emprendemento ao alumnado dos centros educativos da nosa demarcación, vimos de recibir a visita de preto de 100 alumnos 4º da ESO do IES de Ames. Durante esta visita o noso Departamento de Creación de Empresas comparte con eles a labor que facemos dende o Viveiro de Empresas e o apoio que se lles presta aos emprendedores que aquí acuden.

Esta actividade de fomento do espírito emprendedor realízase coa colaboración do Concello de Santiago co obxectivo de promover entre o alumnado participante o desenvolvemento das calidades persoais relacionadas co espírito emprendedor, como pode ser o desenvolvemento de habilidades creativas e o fomento do traballo en equipo.

Recentemente o Viveiro de Empresas da Cámara de Comercio, Industria, Servizos e Navegación de Santiago de Compostela foi recoñecido como a terceira mellor incubadora de España, segundo os resultados da Clasificación Global da Fundación das Caixas de Aforros (FUNCAS).