Continuamos coas xornadas de fomento do espírito emprendedor que estamos a facer en colaboración co Concello de Santiago. Hoxe tivemos o pracer de recibir unha trintena de alumnos do centro CPR Divino Maestro de A Pobra que se están a cursar estudos de FP Básica en Servizos Administrativos e primeiro e segundo curso do CM de Xestión Administrativa.
Estas visitas guiadas ao viveiro de empresas permiten ao alumnado coñecer de primeira man o funcionamento da incubadora empresarial e os servizos de Creación de Empresas que se prestan aos emprendedores e empresarios da demarcación cameral.