No día de onte membros do Foro Cívico reuníronse con diferentes representantes de partidos políticos municipais para tratar temas clave para a cidade de Santiago de Compostela como poden ser os relacionados con infraestructuras como a intermodal, os accesos aos polígonos da cidade, o enlace orbital entre a AP-9 e a A-54, a EDAR ou a estación de mercadorías da Sionlla.

A este acto asistiron Goretti Sanmartín do BNG, María Rozas de Compostela Aberta e Borja Verea do Partido Popular.

Entre os integrantes do devandito Foro Cívico atópanse: Universidade de Santiago de Compostela, Cámara de Comercio, Asociación de Empresarios de Hostalería de Santiago e Comarca, Fundación Santiago Centro, Asociación de Empresarios do Polígono do Tambre, Rotary Club, Real Sociedade Económica de Amigos do País, Fundación Roteiro Xacobeo do Mar de Arousa e Ulla, Asociación de Antigos Alumnos da Universidade, Asociación de Xornalistas de Santiago, Compostela Solidaria, Asociación Vicus Francorum, Colexio Maior A Estila, Colexio de Avogados, Colexio de Economistas, Colexio de Arquitectos, Colexio de Enxeñeiros Técnicos Industriais, Colexio de Procuradores e Ateneo de Santiago.