Durante a tarde de onte luns, 22 de maio, tiveron lugar as sesións de Comité Executivo e Pleno da Cámara de Comercio de Santiago celebrado na sede da empresa Cooperativas Lácteas Unidas (CLUN).
Durante a sesión plenaria participaron Xosé Sánchez Bugallo, alcalde de Santiago e candidato á reelección polo PSdeG o vindeiro domingo 28 de maio, e Gumersindo Guinarte Cabada, segundo tenente de alcalde e concelleiro responsable de presidencia, relacións institucionais, turismo, festas, protección civil e servizo de extinción de incendios e emerxencias. Durante a súa intervención deuse conta do estado actual das propostas asinadas co Foro Cívico na anterior lexislatura así como das novas propostas de cara os vindeiros anos.