A VI Reunión de Coordinación da Rede Provincial de Coworking reuniu aos representantes de espazos de coworking de toda a provincia da Coruña, que participaron nunha xornada de intercambio de coñecementos e experiencias, así como na discusión de temas relevantes para a comunidade emprendedora e empresarial.

A Cámara de Comercio, a través do seu Coworking Dixital, forma parte da rede de espazos de traballo da Deputación Provincial da Coruña, xunto con outros 10 espazos máis da provincia que, integrados nesta rede, buscan apoiar ao emprendemento ofrecendo instalacións e espazos adecuados ás necesidades dos emprendedores, apoio aos seus proxectos cun acompañamento e asesoramento especializado e ofrecendo a oportunidade de acceso a traballar de forma colaborativa con outras persoas que perseguen os mesmos obxectivos.

A Cámara de Comercio de Santiago de Compostela puxo en marcha o pasado ano o Coworking Dixital CCompostela co obxectivo de fomentar proxectos dixitais de persoas emprendedoras e startups e impulsar a transformación dixital de pemes e micropemes da demarcación da Cámara de Comercio de Santiago. No exercicio 2023 asesorouse de forma personalizada a 96 emprendedores, executáronse 50 accións formativas cun alcance de 580 asistentes e incubáronse 9 proxectos empresariais. Para todo isto contouse co apoio económico da Deputación da Coruña a través da Rede Provincial de Espazos de Traballo, da Fundación Incyde a través do Fondo Europeo de Desenvolvemento Rexional e de cara ao ano 2024 o proxecto contará ademais coa colaboración do Concello de Santiago que se une ao apoio aos proxectos empresariais e aos emprendedores que se xestionarán desde o coworking da Cámara compostelá.

Despois dunha visita guiada ás instalacións do Coworking Dixital CCompostela, Rosa Ana García, Deputada do Área de Emprego da Deputación da Coruña, e María Pais, Presidenta da Cámara de Comercio de Santiago, pecharon a xornada destacando a labor do coworking e da Cámara.

“O Proxecto Coworking Dixital "Ccompostela" está cofinanciado nun 80% polos fondos FEDER que xestiona INCYDE, dentro do Programa Operativo Plurirexional 2014-2020. Está enmarcado dentro do eixo 3: mellorar a competitividade das PEMES, obxectivo temático 3: mellorar a competitividade das pequenas e medianas empresas viveiros en un 20% pola Excma. Deputación Provincial da Coruña nomarco do Plan de Emprego Local (PEL). Anualidade 2021. A presente actuación está cofinanciada nun 70% pola Excma. Deputación Provincial da Coruña no marco da convocatoria de axudas para a dinamización e xestión dos espazos de traballo da Rede Provincial de Coworking (PEL-RED COWORKING 2024) EN UN 30% polo Concello de Santiago en virtude do convenio de colaboración suscrito coa Cámara.”